كلمات ترنيمة انا شوهت الصورة الحلوة
للأخ سعيد رمضان
----------------
1- انا شوهت الصورة الحلوة اللي انت رسمتها فيا
المس بإيدك جسدي الميت واطرد كل خطية
انا عشمان ف الفرصة التانية بنعمة قلبك ليا
القرار :
انا راجع وانا برمي خلاص كل حجات في الماضي
مش عايز اشوف حد خلاص غيرك بس قصادي
راجع تايب وباخلاص وبجد المرادي
2- شفتني ضايع تايه خايف كنت بتبحث عني
كنت خلاص هغرق ولقيتك بإيدك انت ناشلني
انا جايلك دلوقت وبندم بصرخ لك تسامحني
3- كل جراحك كانت ليَا عشان تشفيلي جراحي
مُت عشاني وصرت ضحية وكنت لشري انا ماحي
وانا هاوهب لك نفسي ووقتي وطاقتي وكل كفاحي
No comments:
Post a Comment